दुर्गालालयात सूर्योदय श्रष्टा सिरपाः
येँ (सन्ध्या टाइम्स)/जनकवि दुर्गालाल श्रेष्ठयात म्हिगः छगू समारोहया दथुइ भानु सूर्योदय श्रष्टा सिरपालं सम्मानित यात। सूर्योदय रजत महोत्सव समापन समारोह व १९८ क्वःगु भानु जयन्तीया समारोहय् वय्कःयात उगु सम्मानं विभूषित याःगु खः। मूपाहां नेपाल प्रज्ञा प्रतिष्ठानया कुलपति बैरागी काइँलां हनापौ लःल्हानादीगु खःसा विशेष पाहां शंकर पाण्डें दोसल्लां न्ययेकाः हनादीगु खः। सिरपाः झिंन्याद्वः तकाया खः।
ज्या�वलय् न्ववासें जनकवि श्रेष्ठं कुलपति काइँलाया हे कार्यकालय् साहित्य ख्यलय् नं धाथेंया गणतन्त्र वःगु स्वये दुसा जिउ धयादिल। मूपाहां काइँलां स्कूलया अतिरिक्त कार्यक्रमं मस्तय्गु प्रतिभा जक ब्वलंकीगु मखु, समाजयात भिगु दिशाय् नं यंकी धयादिल ।
ज्याझ्वलय् सूर्योदय माविया विद्यार्थीतय्सं च्वयातःगु चिनाखँ सफूया उलेज्या व थुगुसी एसएलसी पास जूपिं विद्यार्थीतय्त सिरपाः बीगु ज्या नं जूगु खः ।
