मन्त्री क्वाटर, दमकल व प्रहरीया फोन बन्द
यल (सन्ध्या टाइम्स)/इलय् हे टेलिफोनया ध्यबा मपुसे तयातःगु जक मखु यक्व यक्व हे ध्यबा मपुलाच्वंगुलिं यलया नेपाल टेलिकमं मन्त्री क्वाटर, दमकल व प्रहरीया टेलिफोन लाइन बन्द याना बिउगु दु ।
जिल्लाया हे महत्वपूर्ण व संवेदनशील कार्यालय टेलिफोन लाइन मदयेका च्वनेमाःगुलिं सेवाग्राहीत मार्काय् लाःगु दु। टेलिकमया तथ्याङक कथं पुल्चोक प्रहरी प्रभागं दकलय् अप्वः २ लाख २५ हजार तका महसुल पुले ल्यं दनि धाःगु दु ।
अथे हे मन्त्री क्वार्टरपाखें १ लाख ६८ हजार व दमकलपाखें ३८ हजार तका ध्यबा पुलेगु ल्यंकातःगुलिं बाध्य जुयाः अथे टेलिफोनया लाइन काटे याये माःगु खँ नेपाल टेलिकमं धाःगु दु ।
न्हापा न्हापा नं मन्त्री क्वाटरया टेलिफोन लाइन काटे यायेगु ज्या जूगु तर अथे लाइन काटे याःगुया कन्हय् कुन्हु हे लाइन जडान यायेत आदेश वयेगु यानाच्वंगु खँ नं टेलिकमया जालाख्यलय् च्वंगु राजस्व विभागया माधव रिसालं संचारकर्मीतय्त धयादीगु दु ।
