कर्मचारी गिरफ्तार
येँ (सन्ध्या टाइम्स)/मोरङ जिल्ला प्रशासन कार्यालयय् धर्ना च्वंपिं ५० म्ह सिबें अप्वः कर्मचारीतय्त थौं सुथय् प्रहरीं ज्वना यंकूगु दु। सरकारं हःगु बजेटय् थःपिनि तलब बढे याःगु मगाः धासें कर्मचारीतय्सं जिल्ला प्रशासन कार्यालयया मू लँपु हे बन्द जुइक धर्ना च्वंगुलिं अथे प्रहरीं कर्मचारीतय्त ज्वना यंकूगु खः। कर्मचारीत जुलुस हे यानाः प्रशासन कार्यालय थ्यंगु खः। प्रहरीं इमित नियन्त्रणय् कयाः अनया खेलकुदया कभर्ड हलय् तयातःगु दु। म्हिगः नं येँय् सलंसः कर्मचारीतय्त सिंहदरवारय् धर्ना च्वनावंगु थासं ज्वना यंकूगु खः ।
