छवाःया उद्घोषण तालिम न्ह्यात

येँ (सन्ध्या टाइम्स)/नेवाः भाय् ब्वलंकेगु तातुनाः ठमेल जागरण परिवारं आइतवाःनिसें न्ह्याकूगु छवाःयंकंया उद्घोषण तालिमया उलेज्या सभासद् हितमान शाक्यं यानादिल। येँ, यल व तोखां समेत वःपिं नीन्हय्म्ह प्रशिक्षार्थीतय्सं ब्वति काःगु उगु प्रशिक्षणय् ग्वसाः खलःया नायः आशाकाजी महर्जन, प्रेमनाथ जोशी व राजभाई जकःमिं प्रशिक्षण बियादी। ज्याझ्वलय् 'देशय् मरु झ्याः' वाःपौया संपादक प्रदिपमान श्रेष्ठ, 'झीगु स्वनिगः' न्हिपौया सम्पादक रुपा महर्जनपिंसं नं नुगःखँ प्वंकादीगु खः ।