जब गुप्तचरया हाकीमयात हे ठगे याइ....

येँ (सन्ध्या टाइम्स)/प्रहरी, गुप्तचर धइपिं ला जनतायात कर्पिन्सं ठगे यात धाःसा उमित बचे यायेमाःपिं खः। तर नेपाःया प्रहरी व गुप्तचर थुलि निकम्मा जुइधुंकल कि उमिसं मेपिंत बचे यायेगु ला खँ हे त्वःते थः समेत ठगे जुइकाः च्वनेमाःगु अवस्था दु। आः नकतिनि हे राष्ट्रिय अनुसन्धानया पुलांम्ह डीएसपी शिवकुमार थापायात अज्याःपिं हे छथ्वः ठगतपाखें ३५ तका ठगे यानाः यंकूगु दु। थनया कमलविनायकय् च्वनीम्ह थापा परिवारयात स्वम्ह भारतीयतय्सं प्रलोभन क्यनाः सकली धकाः मिया थकूगु ४ किलो ४०० ग्राम लुँ नकली जूगु सी दयेवं थःपिं ठगे जूगु पत्ता लगे जूगु खः। लछि न्ह्यवंनिसें लुँ कारोवारया लागिं खँल्हाबल्हा जुयाच्वंगु खःसा वंगु श्रावण १ गते ४०७ चक्का लुँयागु ध्याक ध्यबा बियाः ३५ लाख तका दां ज्वना वंगु खः। उमिसं बिउगु लुँ थापां राष्ट्रिय वाणिज्य बैंकय् तये यंकूबलय् नकली धइगु सीदुगु खः। ठगतय्सं थापायात केरा नकाः लठ्ठ याना बिउगुलिं उपिं बिसिउँ वने फुगु खः ।