दुर्गालालयात सूर्योदय स्रष्टा सम्मान

येँ (सन्ध्या टाइम्स)/जनकवि दुर्गालाल श्रेष्ठयात थुगु दँया 'सूर्योदय स्रष्टा सम्मानं' हनीगु जूगु दु। १९८ क्वःगु भानु जयन्ती व सूर्योदय स्कूलया रजत महोत्सवया लसताय् कवि श्रेष्ठयात उगु सम्मान बीगु निर्णय जूगु खः। झिंन्याद्वः तका व ताम्रपत्रया उगु सिरपाः बुधवाः छगू ज्याझ्वःया दथुइ शिक्षामन्त्री गंगालाल तुलाधरं लःल्हानादी। थ्व स्वयां न्ह्यः उगु सिरपाः कृष्णप्रसाद पराजुली, मदुम्ह रमेश विकल नापं च्याम्ह साहित्यकारतय्त बीधुंकूगु दु ।