लुँ तोलां ४४ द्वः पुल !
येँ (सन्ध्या टाइम्स)/ लुँयागु भावं थौं हानं थहां वनाः न्हूगु कीर्तिमान कायम याःगु दु। थौं बजारय् लुँ तोलां ४४,१५०/� तका थ्यंगु दु। लुँया भाः थहां वनाः तोलां थुलिमछि ध्यबा थ्यंगु थ्वहे न्हापांखुसी खः। नेपाल सुनचाँदी व्यवसायी संघया नायः तेजरत्न शाक्यं कनादी कथं थ्व भाः अझ नं थहां वनीगु सम्भावना दनि ।
युरोपया च्यागू तःधंगु बैंक डुबे जुइगु अवस्थाय् थ्यंगु व मेगु १६ गू निगरानीइ लानाच्वंगु कारणं निपेक्षकर्तातय्सं थःपिनि दां सुरक्षित जुइमा धकाः बैंकं ध्यबा लिकयाः लुँ न्यायेगु सुरु जूगुलिं बजारय् भाः थहां वंगु अनुमान याःगु दु। भाः थहां वनाः स्वनिगःया स्थानीय लुँवहः व्यवसाय धाःसा बांमलाक प्रभावित जूगु दु ।
