हानं छगू दल तज्यात

येँ (सन्ध्या टाइम्स)/मधेसवादी दलत तज्यायेगु झ्वलय् हाकनं छगू दल तज्याःगु दु। थ्वपालय् गुम्ह सांसद् दुगु राजेन्द्र महतो अध्यक्ष जुयाच्वंगु सद्भावना पार्टी तज्यानाः न्हूगु पार्टी 'संघीय सद्भावना पार्टी' गठन याःगु खः। न्हूगु पार्टीया संसदीय दलया नेता अनिल झा व सचेतक महेशप्रसाद यादव जुयादीगु दु। न्हूगु पार्टीइ सांसद्त खोभारी राय व मालावती देवीराना नं वंगु दु। आः राजेन्द्र महतोया सद्भावनाय् न्याम्ह जक सभासद् ल्यं दनि ।