कर्मचारीपाखें अर्थ घेराउ
येँ (सन्ध्या टाइम्स)/वर्तमान सरकारं हःगु न्हूगु बजेटय् क्वय्या दर्जायापिं कर्मचारीतय्त उपेक्षा याःगु द्वपं बिसें असन्तुष्ट जूपिं कर्मचारीतय्सं थःगु अर्थ मन्त्रालयय् वनाः धर्ना बिउगु दु ।
थौं सुथंनिसें अर्थ मन्त्रालय घेरे यासें असन्तुष्ट कर्मचारीतय्सं सरकारपाखें न्यून तहया कर्मचारीतय्गु तलब भत्ता अप्वयेकेमाःगु माग यानाच्वंगु दु। उकी सिंह दरवारया थीथी मन्त्रालयया कर्मचारीत दुथ्याः। अर्थमन्त्री भरतमोहन अधिकारीं वंगु शुक्रवाः संसदय् न्ह्यब्वःगु बजेटय् सरकारी कर्मचारीया तलब ३० निसें ४३.८६ प्रतिशत तक अप्वयेकूगु दु ।
