सुधारगृहं पिहां वयेवं न्हय्म्ह मस्त कुइँच
ख्वप (सन्ध्या टाइम्स)/थनया बाल सुधार गृहय् सुधारया लागिं तयातःपिं न्हय्म्ह मस्त बिसिउँ वंगु दु। थीथी अपराधय् ल्हाः दुगु द्वपनय् कानुनी विवादय् लानाः थ्व मस्तयत् अन तयातःगु खः ।
अदालतया आदेशय् बालसुधार गृहय् च्वनाः थःगु अवधि पूवंकूपिं मस्तय्त शुक्रवाः सुधारगृहं पिने पिकयाः सम्बन्धित मनूयात बुझे याये न्ह्यः हे उपिं थःपिं च्वनाच्वंगु संस्था युसेपपाखें बिसिउँ वंगु खँ प्रहरी वृत्त थिमिं कंगु दु ।
थःथितियात लःल्हाये न्ह्यः हे बिसिउँ वंगु खःसां अदालतं तोके याःगु ई भुक्तान यायेधुंकूगु जूगुलिं थुकिं छुं कानुनी समस्या धाःसा वइ मखु धासें उमित मालेत ग्वाहालि यायेगु लागिं युसेपं प्रहरीयात इनाप याःगु दु ।
