सिलु वंम्ह यात्रु लँय् हे मंत
येँ (सन्ध्या टाइम्स)/पवित्र सिलु तीर्थ वंम्ह छम्ह मनू अन हे 'हाइ अल्टिच्युड सिकनेस' जुयाः सीगु दु। कामपा ९ वडाया बत्तिसपुतली त्वालय् च्वंम्ह श्रीहरि शर्मा पौडेल सिलु तीर्थ वनाः लिहां वयाच्वंगु इलय् लँय् हे मदुगु खः। ६८ दँ दुम्ह पौडेलया कुलछेँ बाँकेया नेपालगञ्ज खः ।
धार्मिक मार्ग चोलाङपाटीं कुहां वयाच्वंगु इलय् आकाझाकां बेहोस जूम्ह पौडेलयात लाङटाङ राष्ट्रिय निकुञ्जया सुरक्षाय् तैनाथ नेपाली सेनाया अह्री दमन गणया जवानतय्सं क्वबियाः चान्हय् रसुवा अस्पताल थ्यंकेहःगु खःसां अस्पतालय् पौडेल मदयेधुंकूगु घोषणा डाक्टरं याःगु खः ।
