प्रतिभा श्रेष्ठ जुल मिस पूर्वाञ्चल

नीनिम्ह प्रतिस्पर्धीतय्त ल्यूने लाकाः धरानया प्रतिभा श्रेष्ठ ‘मिस पूर्वाञ्चल २०११’ या उपाधि त्याकूगु दु । शनिवाः धरान सभागृहय् जूगु ज्याझ्वलय् श्रेष्ठं मिस पूर्वाञ्चलया ताजलिसे ‘मिस क्याटवाक’या उपाधि त्याकेत ताःलात ।

ज्याझ्वलय् ‘फस्र्ट रनर अप’ धरानया लक्ष्मी सुब्वा जुल । सुब्बां ‘बेष्ट पस्र्नालिटी’ उपाधि नं ल्हाःतिइ लाकल । अथे हे अनिता विश्वकर्मां ‘सेकेण्ड रनर अप’ व ‘मिस ब्युटीफुल’ या उपाधि त्याकल ।

उकथं हे ‘मिस फ्रेण्डसीप’ धरानया प्रियङ्का श्रेष्ठ, ‘मिस भ्युअर्स च्वाइस’ दमकया रोजी बराइली, ‘मिस ब्युटीफुल’ धरानया ज्योती श्रेष्ठ, ‘मिस ब्युटीफुल हेयर’ धरानया अमिना पाख्रिन, ‘मिस फोटोजेनिक’ बिर्तामोडया अस्मिता गजमेर, ‘मिस ट्यालेन्ट’ धरानया नीशा राई घोषित जुल ।

More Stories Like this