परियत्ति परिक्षार्थीपिन्त दसिपौ नगद सिरपाः
जगतसुन्दर परियत्ति केन्द्रपाखें बौद्ध परियत्ति शिक्षा २५५४ य् पासजूपिं सकल परिक्षार्थीपिन्त थौं छगू ज्याझ्वःया दथुइ दसिपौ व सिरपाः लःल्हात ।
जगतसुन्दर परियत्ति केन्द्रया नायः राजभाई जकःमिया सभाध्यक्षय् जूगु उगु ज्याझ्वलय् भिक्खु कोण्डन्यं परियत्ति शिक्षा उतीर्ण जूपिन्त दसिपौ व बौद्ध परियत्ति शिक्षा केन्द्रया संयोजक त्रिरत्न मानन्धरं नगद सिरपाः लःल्हानादीगु खः ।
दसिपौ लःल्हानादिसें मूपाहां भिक्खु कोण्डन्यं सकलसित मचाबलय्निसें बौद्ध शिक्षा बीमाःगु व थुगु शिक्षां चित्त शुद्ध यानाः आचरण बांलाकेगु लागि तिबः बीगु खँ धयाबिज्यात । भिक्खु कोण्डन्यं आचार्य भिक्खु कुमार काश्यप कोषपाखें न्यय्न्याद्वः व स्वीस्वतका जगत सुन्दर परियत्ति केन्द्रयात लःल्हानाबिज्यात ।
अथेहे ज्याझ्वलय् बौद्ध महिला संघया न्वकू व नेपाल बौद्ध परियत्ति परिषदया दुजः नापं ज्याझ्वःया विशेष पाहां केशरी लक्ष्मी मानन्धरं बौद्ध शिक्षाया आवश्यकता बारे कनादिल । वय्कलं आकिवंनिसें परियत्ति शिक्षाय् दक्कलय् अप्वः ल्याः हःम्हेसित विशेष सिरपाः बीगु घोषणा यानादिल ।
ज्याझ्वलय् लसकुस यानादिसें जगत सुन्दर परियत्ति केन्द्रया केन्द्राध्यक्ष माया मानन्धरं पूर्णरत्न बज्राचार्यपाखें भिक्खु महानामया नामय् तयादीगु "महानाम छात्रवृत्ति" जगत सुन्दर ब्वनेकुथिया न्यागू तगिमय् दक्कलय् अप्वः ल्याः हम्हेसित बीगु कनादिल ।
थुगुसि जगतसुन्दर परियत्ति केन्द्रपाखें मुक्कं न्यय्स्वम्ह परिक्षार्थीत उतीर्ण जूगु खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
