ज्यापु दिवसया पाःब्व लःल्हात

येँ (सन्ध्या टाइम्स)/न्हय्दँ न्ह्यवंनिसें न्ह्याकाच्वंगु राष्ट्रिय ज्यापु दिवस वइगु यःमरि पुन्हि कुन्हु हनेत थौं छगू ज्याझ्वःया दथुइ येँया परम्परागत ६३ ज्यापु त्वाः मध्ये 'लःघःछेँ त्वाः खलः' यात संयोजक पाःब्व लःल्हात। थगुनेया थ्व दिवसया संयोजन यतखा त्वाः कंग अजिमा खलःया नायः रामकृष्ण महर्जनं लःघः त्वाःया नायः धर्मरत्न महर्जनयात पाःब्व लःल्हाःगु खः। ज्यापु संस्कृति विकास कोषया नायः चक्रमान डंगोलया सभापतित्वय् जूगु छगू ज्याझ्वलय् संरक्षक सभासद् तिर्थराम डंगोल मूपाहां कथं झाःगु खः ।