म्हुतुं नल, प्यनं पिहां वन

शंख किलं मृत्युयात नं झंगः लायेफु। वैज्ञानिकतय्सं नकतिनि हे जक थ्व खँ लुइकूगु दु।

झंगःपंछितय्सं शंख की नइ, तर व झंगःपंछितय्सं फाइगु खिलिसें म्वाःम्वाकं पिहां वयेफु। शोधकर्तातय् कथं म्होतिं नं १५ प्रतिशत शंख की झंगःपंछिया प्वाथय् दुहां वनेधुंकाः नं हानं म्वाःम्वाकं पिहां वइ।

जापानया हाहाजीमा द्वीपय् दइपिं ह्वाइट आइ नांया चीधिकःम्ह झंगःया शंख की नये तसकं यः, तर उमिसं नःपिं १५ प्रतिशत शंख की हानं म्वाःम्वाकं पिहां वइ।

शोधकर्तातय्सं थ्वहे कारणं यानाः शंख की संसारन्यंकं न्यनावंगु विश्वास प्वंकूगु दु।

झीसं सिउगु हे खँ खः कि झंगःपंछिं नइगु सिसाबुसापाखें हे उकिया पुसा थाय्थासय् न्यनावनीगु खः, अथेहे शंख की नं न्यनावंगु जुइमाः धयागु शोधकर्तातय् धापू दु।

लखय् च्वनीपिं शंख की न्यां नःसां नं म्वाःम्वाकं पिहां वः धयागु खँ न्हापा हे सीकेधुंकूगु खः, तर आः झंगःपंछिं नइपिं शंख की नं म्वाःम्वाकं पिहां वः धयागु सीदुगु खः।

वैज्ञानिकतय् कथं झंगःपंछिया प्वाथय् वनेधुंकाः नं उपिं जीवित हे पिहां वयेफुगुया मू कारण उमिगु चीधिकःगु आकार खः।

More Stories Like this