जाम याःपिंत गोली प्रहार

येँ(सन्ध्या टाइम्स)/चितवनय् सतक जाम यानाः च्वनाच्वंपिं स्थानीय मनूतय्त ख्यायेत प्रहरीं चले याःगु गोलीं कयाः छम्ह घाःपाः जूगु दु। वंगु असार २३ गते जूगु सतक दुर्घटनाया विषययात कयाः लँ पनाच्वंपिं स्थानीय मनूत व सवारी चालक दथुइ जूगु ल्वापु ज्यंकेत प्रहरीं कयेकूगु गोलीं कयाः स्थानीय विनोद चौधरी घाःपाः जूगु खः। गोली प्रहार लिपा स्थिति झन तनावपूर्ण जुयाः सतक पूर्ण रुपं बन्द जूगु दु।