भोताहिति बँपसः चीकीगु
येँ (सन्ध्या टाइम्स)/येँ दुनेया मू मू बजाः व्यवस्थित यायेगु झ्वलय् आः भोताहितिया अव्यस्थित बँपसःत नं चीकीगु जूगु दु। उगु लागाया प्रतिनिधिमुलक संस्थातय् दथुइ थौं छगू चेम्बर भवनय् च्वंगु छगू भेलां थ्वहे श्रावण १ गतेनिसें अनया बँपसः चीका छ्वयेगु निर्णय याःगु खः। भेलाय् भोताहिति बजार समितिया उपाध्यक्ष ज्ञानेन्द्र तुलाधरं भोताहितिया पुलांगु इतिहास कायम याना तयेगु लागिं अनया बँपसःत चीका छ्वये माःगु खँ कनादिल ।
भेलाय् पुलांपिं वडाध्यक्षपिं चिनियामान वज्राचार्य, विजय मानन्धर, भ्याली ट्राफिक इन्चार्ज सिताराम हाछेथु, जनसेवा इन्चार्ज कवित कटुवाल, थीथी संस्थापाखें सुजीव वज्राचार्य, अमूल तुलाधर, सुनिल कपाली, राजेन्द्र श्रेष्ठपिं दुथ्याःगु खः ।
