सहकारीपाखें खुम्ह नेवाः व्यक्तित्व हन
येँ (सन्ध्या टाइम्स)/सुलभ बचत तथा ऋण सहकारी संस्थां थःपिनि ३० क्वःगु साधारणसभाया झ्वलय् थीथी ख्यःयापिं खुम्ह व्यक्तित्वपिंत हनेगु ज्या यात। सभासद् तीर्थराम डंगोलं उलेज्या यानादीगु उगु ज्याझ्वलय् जेष्ठ नागरिक कथं मय्जु सरस्वती डंगोल, वरिष्ठ गायक प्रेमध्वज प्रधान, हास्यव्यंग्य च्वमि ह्दयप्रसाद मिश्र, बाद्यगुरु इन्द्र महर्जन, फुटबल प्रशिक्षक योगेन्द्र सुवाल व नृत्य निर्देशक रमेश मुनिकारपिंत हंगु खः। ज्याझ्वलय् न्ववासें सभासद डंगोलं हनेबहःपिनिगु सम्मान यायेगु धइगु कलान्तरय् थःगु हे सम्मान जू वनीगु खः धयादिल ।
