तवः समाजया मिसा पुचः स्वन

येँ (झीगु स्वनिगः)

तवः (ताम्रकार) समाजया नायः अमीररत्न ताम्रकारया सभापतित्वय् हालै च्वंगु छगू विशेष मुंज्यां तवः मिसा पुचः नीस्वंगु दु । पद्मलक्ष्मी ताम्रकारया संयोजकत्वय् झिंस्वम्हय्सिगु मिसा पुचः स्वंगु खः । छ्याञ्जेय् रत्नतारा ताम्रकार च्वनादीगु उगु पुचःया दुजलय् अञ्जना ताम्रकार, मिना ताम्रकार, अलिना ताम्रकार, गगनी ताम्रकार, किरणशोभा ताम्रकार, सहना ताम्रकार सुमित्रा ताम्रकार व आशादेवी ताम्रकार च्वनादीगु खः । स्वंगू कवःया स्वम्ह दुजः लिपा तनेगु धाःगु दु ।

अथेहे तवः समाजया म्हीग च्वंगु मंुज्या वइगु श्रावण २१ गते शनिवाः सुभाय्पौ व हनापौ देछायेगु ज्याझ्वः यायेत्यंगु दु । वंगु वृहत् तवः मुनायात ग्वाहालि याःपिं उदाय् व तवः व्यक्तित्वतय्त सुभाय् पौ व वंगु एसएलसी जााचय् पास जूपिं तवः विद्यार्थीतय्त उखुन्हु हनापौ देछायेगु ज्याझ्वः यायेत्यंगु खः । थुकिया नितिं श्रावणया १९ गते शुक्रवाः तक्कया दुने तवः विद्यार्थीतय्सं तवः समाजय् नां दुत बियादीत याःगु दु ।