पाल्पाय् झाराबान्ता प्रकोप स्वम्ह मन्त, ५० म्हं मल्याक मफत

येँ (झीगु स्वनिगः)

पाल्पाया गन्धा गाविस वडा नं. २ व ८ लागाय् झाराबान्ताया प्रकोप जूगु दु । अन झराबान्ता प्रकोप जुयाः स्वम्ह मनूत सीगु दु । थनिं न्यान्हु न्ह्यःनिसें हे झाराबान्ता जुयाः ५० म्ह सिबें अप्वः मनूत विरामी जूगु दु धकाः स्थानीय मनूतसं धाःगु दु । झाराबान्ता जुयाः वडा नं. २ लागाय् निम्ह मनूत सीगु दुसा वडा नं. ८ लागाय् छम्ह सीगु दु । सदरमुकामं ६५ किलोमिटर पूर्वपाखे च्वंगु उगु गाविसय् स्वास्थ्य चौकी नं मदुगुलिं हे अथे झाराबान्ता प्रकोप जूगु खः धकाः स्थानीय मनूतय्सं धाःगु दु ।