बजेटय् पंगः हे थनेगु मधेसी मोर्चाया ख्याच्वः

येँ (झीगु स्वनिगः)

वर्तमान संयुक्त सरकारं व्यवस्थापिका संसदय् न्ह्यब्वःगु नीति तथा कार्यक्रमया विपक्षय् मतदान याःगु मधेसी मोर्चां थःपिनिगु माग पूरा मजुल धाःसा संसदय् न्हूगु बजेट पेश जुइगु इलय् पंगः हे थनाबिइ धकाः ख्याच्वः बियादीगु दु । म्हिगः आइतवाः अर्थमन्त्री भरतमोहन अधिकारीयात थःपिनिगु माग पत्र लःल्हायेगु इलय् मोर्चाया नेतातय्सं अथे ख्याच्वः बियादीगु खः । मोर्चां विपक्षय् मतदान याःसां नं सरकारया नीति व कार्यक्रम थें हे बहुमतं पारित जुइगु अवस्था दुगुलिं अथे अर्थमन्त्रीयात संसद तकं अबरुद्ध यानाबिइ धकाः ख्याच्वः बियादीगु खः ।