'भट्टराईयात हे निर्णय याइ'
येँ (सन्ध्या टाइम्स)/एकीकृत माओवादीया उपाध्यक्ष नारायणकाजी श्रेष्ठ प्रकाशं आः पार्टीं थःपिनि उपाध्यक्ष डा. बाबुराम भट्टराईयात हे प्रधानमन्त्रीया निंतिं प्रस्तावित यायेगु धकाः निर्णय याइ धयादीगु दु। पार्टीया केन्द्रीय कार्यालयय् भट्टराईया विषयसं सकारात्मक सहलह जुयाच्वंगु खँ नं वय्कलं धयादीगु दु। थौं सुथय् चितवनय् जूगु छगू जनवादी इहिपाया ज्याझ्वलय् ब्वति कायेत चितवन झाःम्ह नेता प्रकाशं संचारकर्मीतलिसे खँ ल्हासें अथे धयादीगु खः। कांग्रेसं प्रधानमन्त्रीया नितिं प्रचण्ड हे पाय्छि धयाहःगु खँयात कयाः प्रकाशं धयादिल, 'माओवादीपाखें प्रधानमन्त्री सुयात दयेकेगु धकाः निर्णय यायेगु ज्या कांग्रेसया मखु ।'
