सिक्किमी पाहांपिंत भोंतय् लसकुस
भोंत (सन्ध्या टाइम्स)/नेवाःतय् आदिभूमि नेपाल मण्डल लागाया भ्रमणय् वःपिं सिक्किमया नेवाः पाहांपिंत म्हिगः भोंतय् तःजिक लसकुस यात। थनया दिपंकर चुडाकर्म संघपाखें सिक्किमं वःपिं पाहांपिंत धाःबाजं थानाः लसकुस यासें बजाः चाःहीकूगु खः। लिसें वय्कःपिंत भोंतया चण्डेश्वरी द्यः नापं मेमेगु सांस्कृतिक धार्मिक लागा चाःहीकेगु ज्या जूगु खः।
नेपालमण्डल भ्रमणया लागिं सिक्किम नेवाः गुथिया न्वकु जंगबहादुर प्रधानया नेतृत्वय् झिंछम्ह दुजःपिनि पुचः येँय् वःगु खः। उगु पुचलं छवाःयंकं नेपालमण्डल दुने लाःगु स्वनिगःया थीथी नेवाः सांस्कृतिक सम्पदा चाःहिलेगु व थनया नेवाः व्यक्तित्वपिंत नापलाइगु ज्याझ्वः दु।
News Location:
