दलितया धलखय् आः च्यामे व पोडे जक

येँ (सन्ध्या टाइम्स)/राष्ट्रिय दलित आयोगं समावेश याःपिं नेवाः दुनेया थीथी न्यागू जाति मध्ये स्वंगूयात लिकयाः आः निगू जक कायम याःगु दु। आयोगं नकतिनि जारी याःगु छगू सुचं कथं आः दलितया धलखय् नेवाःपाखें च्यामे व पोडे निगू जक जात ल्यं दनि। थ्व जाति दुने दलितया धलखय् च्वनेगु लाकि मच्वनेगु धइगु विषययात कयाः विवाद पिहां वःगु जुयाः थःपिंसं हे सर्वसम्मत निर्णय मजुयाः धलखय् कायम हे जुयाच्वंगु खँ धाःगु दु। नायः, रजक व कपाली समाजं संस्थागत रुपं हे पहल यानाः धलखं थःपिनि नां चीकूगु खः ।