स्थलगत बौद्ध कला कासा
यल (सन्ध्या टाइम्स)/युवक बौद्ध मण्डल नेपालया बौद्ध कला तथा साहित्य उपसमितिया ग्वसाः व लुम्बिनी नेपलिज बुद्ध धर्म सोसाइटी बेलायतया प्रायोजनय् स्थलगत बौद्ध चित्रकला धेंधेंबल्लाः कासा जुल।
संस्थाया नायः हेरारत्न शाक्यया सभापतित्वय् जूगु उगु ज्याझ्वलय् भिक्षु उत्तमों शील प्रार्थना याना बिज्याःगु खःसा उपसमितिया संयोजक उजय वज्राचार्यं लसकुस यानादीगु खः।
ज्याझ्वलय् २२ म्हेस्यां ब्वति काःगु खःसा उकी प्रकाश महर्जन, आशिष शाक्य, रोशना वज्राचार्य, रुबिन श्रेष्ठ व स्वरुप शाक्ययात उत्कृष्ट घोषणा याःगु खः। थ्व उत्कृष्ट न्याम्हेसिया दथुइ निगूगु चरणय् 'महासत्व राजकुमार'या विषयय् धेंधेंबल्लाः कासा जुइ।
वरिष्ठ कलाकार वत्सगोपाल वैद्य निर्णायक जुयादीगु उगु ज्याझ्वः हेरारत्न शाक्यया सभापतित्वय् जूगु खः।
