नापित समाजया मिसा भेला
यल(सन्ध्या टाइम्स)/नेपाल नापित समाज यल जिल्लाया ग्वसालय् छगू मिसा भेला जुल। समाजया नायः उद्धबकृष्ण नापितया सभापतित्वय् न्ह्याःगु उगु भेलाय् समाजया केन्द्रीय उपाध्यक्ष जगदिश्वर कृष्णप्रधान नापित, केन्द्रिय महासचिव ज्ञानबहादुर नापित, बालकुमारी मिसा पुचःया अध्यक्ष अनिता नापित, बंगलामुखी मिसा पुचःया अध्यक्ष कृष्णमाया नापित व समाजया कानुनी सल्लाहकार प्रवीन नापितपिंसं नुगः खँ प्वंकादीगु खः।
ज्याझ्वलय् समाजया जिल्ला सदस्य सजनी नापितं लसकुस यानादीगु खःसा यल जिल्ला समितिया सह-कोषाध्यक्ष रोजनी नापितं सुभाय् बियादीगु खः।
भेलाय् नेपाल नापित समाज महिला जिल्ला ज्यासना पुचः नं नीस्वंगु खः। न्हूगु ज्यासना पुचलय् नकिं सूर्यलक्ष्मी नापित, न्वकु शोभा नापित, छ्याञ्जे अनु नापित, लिउ छ्याञ्जे रीना नापित, कोषाध्यक्ष रजनी नापित, सह कोषाध्यक्ष निशा नापित, दुजः कान्छी नापित, रीता नापित व सुलोचना नापितपिंत ल्यःगु खः।
