कार्बन मियाः १६ लाख आम्दानी

येँ(सन्ध्या टाइम्स)/चितवनया कयरखोला जलाधार क्षेत्रया १६ गू सामुदायिक वनं कार्वन संचित यानातःगु वापत २२ हजार अमेरिकी डलर (अथे हे १६ लाख तका) दां प्राप्त याःगु दु। जलवायु परिवर्तनया लिच्वःयात म्हो यायेगु ज्याय् योगदान याःगु वापत उमित थ्व दां प्राप्त जूगु खः। उगु थासय् कार्वन मापन याःबलय् थगुने २९९ टन कार्बन मापन जूगु खःसा आकिवं थ्व ल्याः अझ अप्वइ धाःगु दु। कार्बन 'मियाः' वःगु थ्व दां आः याकनं हे उपभोक्तातय्त हस्तान्तरण यायेगु खँ धाःगु दु।