मधेसीतय्सं नं बजेट पनीगु सम्भावना
येँ(सन्ध्या टाइम्स)/सरकारं हइगु बजेटयात मधेसवादी पार्टीतय्गु मोर्चां नं पंगः थनीगु सम्भावना अप्वःगु दु।
संयुक्त लोकतान्त्रिक मधेसी मोर्चाय् दुथ्याःगु मधेसी जनअधिकार फोरम (गणतान्त्रिक)या नायः जयप्रकाश गुप्तां सरकारया नीति तथा कार्यक्रम स्वयाः थःपिं निराश जूगु नापं थःपिनिगु गम्भीर आपत्ति तकं दु धयादीगु दु।
थौं सुथय् विराटनगरय् संचारकर्मीलिसे खँ ल्हासें वय्कलं धयादिल, 'संसदय् बजेट सहमतिया आधारय् पारित जुइगु सम्भावना सरकारं गुमे याःगु दु।' सरकारया नीति तथा कार्यक्रम कथंया हे बजेट वल धाःसा संसदय् थःपिनिगु मोर्चापाखें सशक्त भूमिका म्हितेगु जुइ धासें गुप्तां उकिया नितिं थौं हे येँय् मोर्चाया बैठक च्वनेगु खँ कनादिल।
