चलखं निम्ह सित

येँ(सन्ध्या टाइम्स)/मदिक्क वा वयाच्वंगुलिं चलः वनाः कास्कीया थुम्की गाविस वडा नं. २ या निम्ह मनू सीगु दुसा मेपिं प्यम्ह बेपत्ता जुयाच्वंगु दु। स्थानीय चन्द्रबहादुर सोनाम परियारया छेँ छखां हे चलखं चुइकाः वया छय्पिं १२ दँया ममता व ४ दँया च्यांग्री सीगु खः। निम्हेसितं अचेत अवस्थाय् उद्धार याःगु खःसां छुं ई लिपा हे सीगु खः। अथे हे चलः वनाः छेँ चुइकाः ल्हानाः चन्द्रबहादुरया निम्ह कलाः, स्वदँ दुम्ह छम्ह छय् व भौमचा नं बेपत्ता जुयाच्वंगु दु। इमित मालेगु ज्या स्थानीयवासीतय्सं यानाच्वंगु दु।