सैनिक कानुन हिलेत सर्वोच्चया आदेश

सेनायात छम्ह नागरिक सरह न्याय प्राप्तिया निति अधिकार मदुगु खँय् वंगु २०६५ असोज १० गते तःगु रितयात कयाः नकतिनि सर्वोच्च सरकारयात निर्देशनात्मक आदेश व्यूगु दु । छम्ह नागरिकयात छुंनं खँय् अभियोग विलधाःसा वं थः अभिवक्ता वा वकिल तयाः न्यायया नितिं मुद्दा ल्वाये दु । तर छम्ह सेनायात उगुकथं न्यायप्राप्तिया छुंहे सैनिक कानुनय् व्यवस्था याना तःगु मदु । सैनिक अदालतं -कोर्टे मार्शलं) निर्णय विलकि उकिया विरुद्ध सैनिकं गनंहे उजुरी तयाः न्याय प्राप्तयायेगु लँहे मदु । सैनिक अदालतय् न्यायाधिश कथं ज्या याइपिं सैनिक सचिव व सेनाया कानुन विभागया प्रमुख निम्हय्स्यां निर्णय याःगु यात मेगु छुंनं विकल्पं काटय् यायेमफया व्यूगु दु । सेनां नागरिक सरह न्याय प्राप्त यायेत सैनिक अदालत गठन, अधिकार क्षेत्र, ज्या याःगु प्रकृया कार्य वातावरण, अदालतय् जुइगु निणर्ायक लगायत विषयलय् माःकथं पुनरावेलोकन व न्यायिक सुधार यायेमाः लगायत खँ न्ह्थनेत स्वयाच्वंगु खः । सुनं व्यक्तिपाखे अपराध जुलधाःसा वं पाखें अपराध जूगु खः लाकि मखु धकाः स्वतन्त्ररुपं अध्ययन वहस जुइमाः थाय् सैनिक अदालतया नामय् निम्ह व्यक्तिं क्वछीगु निर्णययात हे कानूनया रुपय् मान्यता कयाः वयाच्वंगु दु । यदि थः प्रति अन्याः जुहे जुल धाःसां पुनरावेदन यायेगु लँहे मदु व दकले अजूगतिया खँ अन जुइगु वहस धयागुहे एकतफिर् खः । अभियुक्तं थः वकिल तयाः थःगु खँ न्ह्यःनेतय्गुया छुंहे गुंञ्जायस मदु । थ्व न्याय प्राप्तीया गलत लँपू खः ।

सलंसः दँनिसें थुगुहे कथं सैनिक कानुन न्ह्यानावःगु दु । थ्व ई कथं मल्वः । पश्चिम राष्ट्रतय्सं थुज्वःगु खँ कं जक कन धाःसां अनया वुद्धिजीवीतय्सं नेपाः विरुद्ध आन्दोलन न्ह्याकेफु । नेपाःयात वियावयाच्वंगु सैनिक ग्वाहालिनं पनेफु वा दिकेफु । अन्तराष्ट्रिय न्याय् प्रणालीया पाय्छि अःखःगु थुगु सैनिक कानुनयात न्ह्यःने तल धाःसा नेपाः थप वदनाम सुइगु सम्भावना नं यथावत दु । सेनाया नायक पदं वर्खास्तय् लाःम्ह भक्ति शाह, अधिवक्तापिं भुवन निरौला व पे्रमचन्द राई स्वम्य्स्यां उगु कानुनया विरुद्ध सर्वोच्चय् रित तःगु खः । उकियाहे निर्णय हालैतिनि सर्वोच्चं निणर्ायक आदेश व्यूगु खः । नेपाली सेना व नेपाली नागरिक मखुला ? आम नागरिकयात दुगु अधिकार सेनायात छु गुकथं वञ्चित यायेफै ? उकिं उगु सैनिक कानुनयात तत्काल खारेज यानाः सेनायात लोकतान्त्रिक यायेहेमाः, सेनाय् दुने लोकतन्त्र हयेेहेमाः ।

More Stories Like this