स्थानीय निकायसं चुनाव यायेत कांग्रेस तयार

येँ (झीगु स्वनिगः)

नेपाली कांग्रेसया उपसभापति नापं संसदीय दलया नेता रामचन्द्र पौडेलं स्थानीय निकायया निर्वाचन यायेत थःपिं तयार धकाः धयादीगु दु । वय्कलं सरकारपाखें हइगु न्हूगु बजेट, नीति तथा कार्यक्रमय् उकिया नितिं माःगु ब्यवस्था यायेत तकं कांग्रेस एकमत दु धकाः धयादीगु दु । नेता पौडेलं स्थानीय निकाय निर्वाचनया नितिं बजेट व्यवस्थापन यायेगुबारे कांग्रेस पूर्णरुपं सहमत दुगु नापं उगु खँय् प्रधानमन्त्री झलनाथ खनाललिसे नापलानाः सहलह ब्याकेगु झ्वलय् म्हिगः आइतवाः अथे धयादीगु खः । स्थानीय निकायया संघ, महासंघ, जिल्ला विकास समिति महासंघ व नेपाल नगरपालिका संघया प्रतिनिधिमण्डलं तत्काल हे स्थानीय निकायया नितिं नापं स्थानीय विकास मन्त्रालयपाखें तयारी याःगु अन्तरिम स्थानीय निकाय संचालन कार्यविधि २०६८या बारे प्रधानमन्त्रीलिसे सहलह ब्याकेगु झ्वलय् प्रमुख प्रतिपक्ष दल कांग्रेसया नेतातय्सं अथे धयादीगु खः ।