'समाजवाद उन्मुख आर्थिक नीति लागू यायेगु’

येँ (झीगु स्वनिगः)

वर्तमान सरकार संविधान निर्माण यानाः शान्ति प्रक्रिया तार्किक निष्कर्षय् थ्यंकेगु नितिं प्रतिबद्धता दु धकाः राष्ट्रपति डा. राववरण यादवं धयादीगु दु । वय्कलं सामन्तवादया फुक्क अवशेष समाप्त यानाः समाजवादउन्मुख आर्थिक नीति नालाः न्ह्याः वनी धकाः नं धयादिल । राष्ट्रपति डा. यादवं व्यवस्थापिका संसदय् म्हिगः आइतवाः सरकारपाखें नीति व कार्यक्रम प्रस्तूत यायेगु झ्वलय् अथे धयादीगु खः । वय्कलं समन्यायिक विकासय् बहः बिइगु व बेपत्ता नागरिक मालेगु आयोग दयेकेगु खँय् नं सरकार न्ह्याः वनी धकाः धयादीगु दु । अथे हे विस्तृत शान्ति सम्झौता नापं मेमेगु थीथी पुचःतलिसे जूगु सम्झौता कार्यान्वययात प्राथमिकता बिइगु सरकारया योजना नापं नीति व कार्यक्रम दु धकाः राष्ट्रपति यादवं धयादिल । उगु हे कथं दलित, मिसा नापं सीमान्तकृतयात केन्दि्रत यानाः ज्याझ्वः हयेगु जानकारी नं बियादिल । कणर्ालीया विकासया नितिं शक्तिशाली कणर्ाली विकास आयोग गठन यायेगु जुइ धकाः नं वय्कलं धयादिल । राष्ट्रपति यादवं लघुकर्जा कार्यक्रमयात विस्तार यायेगु, वित्तीय सुधार ज्याझ्वःयात न्ह्यब्वाकेगु, रेमिटेन्सपाखें दुहां वइगु ध्यबायात उर्जा क्षेत्रय् लगानी यायेगु वातावरण दयेकेगु नापं समग्र वित्तीय ज्यायात अन्तर्राष्ट्रियस्तरया पारदर्शिता ढाँचाय् न्ह्यब्वयेगु नं वय्कलं धयादिल ।

अथे हे क्वःछिनातःगु इलय् ऋण लगानी मयायेत बैंक नापं नियतवश ऋण मपुलीपिन्त कानुनी दायराय् हयेगु जुइ धकाः नं धयादिल । नीति व कार्यक्रमकथं मुक्त कमैया, हलिया व भूमिहीनयात तथ्याङ वर्गीकरण व प्रमाणीकरणया आधारय् म्हसीका पौ बिइगु जुइ धकाः नं न्ह्यथंगु दु । उगु हे म्हसीका पौया आधारय् लजगाःया अवसर ब्वलंकेगु जुइ धाःगु दु । अथे हे प्राकृतिक विपतिया इलय् तकं खाद्यन्न अभाव मजुइगु कथं खाद्य सुरक्षा भण्डारणया व्यवस्था यायेगु । कृतिमअभाव, कार्टेलिङ व सिण्डिकेट निरुत्साहित यायेगु, पेट्रोलियम पदार्थ सहज सुलभ दयेकेगु आयोजना सुझाव कार्यान्वयन यानाः वनेगु नापं ऐन संशोधन यायेगु अन्तर्राष्ट्रिय मूल्य कथं नियमितरुपय् समायोजन यानाः वनेगु नीति नं नालाकाइ धकाः न्ह्यथंगु दु । उगु हे कथं प्रमखु शहरय् फोन व विद्युत व्यवस्थित यायेगु, स्वनिगलय् मेट्रो रेलया सम्भाब्यता अध्ययन यायेगु, हाउजिङ व अपार्टमेन्ट व्यवसाययात व्यवस्थित यायेगु, जलवायु नापं मौसम परिवर्तनया कारणं लाइगु लिच्वःयात ध्यान बिइगु, मेलम्ची योजनायात प्राथमिकता बिइगु, देय्न्यंकं सरकारी विद्यालयसं मिसापिनिगु सौचालय दयेकेगुयात प्राथमिकता बिइगु न्ह्यथंगु दु । अथे हे सूचना प्रविधि क्षेत्रय् स्वदेशी नापं विेदेशी लगानी आकषिर्त यायेगु, पाठ्यक्रम हिलेगु, शैक्षि गुणस्तर अप्वयेकेगु, विश्वविद्यालतयत पुनर्संरचन यायेगु, तराई मेधेसयात मरुभूमिकरण जुइगुपाखें बचेयायेत चुरे भावर क्षेत्रय् संरक्षण ज्याझ्वः जारी यायेगु नं राष्ट्रपतिं उल्लेख यानादीगु दु । अथे हे युवातय्त लक्षित ज्याझ्वः गां गामय् थ्यंकेगु नीति दु ।नेपाःयात १५ दँदुने पर्यटकीय गन्तब्य दयेकाः नमुनाया रुपय् विकास यायेगु लक्ष्य नं नीति तथा कायृक्रमय् दुथ्याकूगु दु । अथे हे फुक्क क्षेत्रयात पर्यटकीय क्षेत्रया रुपय् विकास यायेगु नीति दयेकूगु दुसा संवैधानिक निकाययात अप्वः विश्वसनीयता ब्वलंकेगु नितिं आधुनिकीकरण यायेगु धकाः नं न्ह्यथंगु दु । अथे हे नेपाली सेनाया सुद्धढीकरण व प्रवर्द्धनया नितिं १० दँया गुरु योजना दयेकेगु जूगु दु । संविधानसभा गठन जुइ धुंकाः राष्ट्रपतिं संसदय् पेश याःगु थ्व निगूगु नीति व कार्यक्रम खः ।