आर्थिक अराजकता पनेमाल

थौं कन्हय् मनूत संगठित जुजुं वयाच्वंगु दु । थःपिन्त मगाः मचाः यात चीकेत, मछिं मनीयात चीकेत मनूतय्त समूह संस्था चायेकाः संगठित जुजुं वयाच्वंगु दु । थःपिन्त मछिं मगाः मचाः जुलकि हे मनूतय्सं संस्था दयेकाः व्यक्तिगत समस्यात सामूहिक रुपं समाधान याइगु खः । थुगुकथं व्यक्ति सः आः समूहया सः जुयाः थ्वइगु यानावःगु दु । थुकियात सकारात्मक रुपं कायेमाः । तर आर्थिक क्षेत्रय् सकृय संघ संस्थातय्सं थःपिनिगु समस्या ज्यंकेगु स्वयाः आर्थिक अराजकतायात कायम यानाः कानूनया नीति निर्देशनयात त्वाथलेत संघ संस्था दयेका वयाच्वंगु महसूस जुयाच्वंगु दु । थ्व देश, जनता व कानूनयात लागू यायेगु खँय् समस्या वयाच्वंगु आभास वियावयाच्वंगु दु । थुमिगु आर्थिक सञ्चालं प्रहरी प्रशासन राजस्व अनुसन्धान, स्थानिय निकाय व भन्सार कार्यालययात धों लानाः करौडौंया सामान भंसार मपुसे भारतीय सामानतय्गु निर्वाधरुपं दुत हयेगु ज्या जुयाच्वंगु दु । थुकिइ प्रहरी प्रशासन जक मखु खुद भंसारया कर्मचारीत नापं मिलय् जुयाः करौडौंया सामान दुत हयाच्वंगु दु । हालै राजस्व सीमानाय् याःगु छगू अनुसन्धानं अथ्यहे करौडौं ध्यबाः भंसार छलय् यायेगु ज्या जूगु प्रमाणत ल्हातय् लाःगु दु । भंसार छलय् यानाः भारत लगायत देशं सामान दुत हयेगु व लिपा उकियात थाय् थासय् छ्वयाः छगूकथं हाकूगु ध्यबा -व्लायक मनी) दयेकेत ग्वाहालि खः । राजस्वः छलय् याःगु द्वपँय् आः व्यापारीतय्त ज्वनाः कारवाही मयाःनिसां आः यात चिनी कारखानय् कार्यवाही न्ह्याके धुंकूगु दु ।

अनुसन्धानया झ्वलय् विल विजक ज्याकुथिइ मतइपिं, र्फम दर्ता यायेत गोडाम आदि थाय् काचाक्क माले मफैगु थासय् तयेगु यानावयाच्वंगु दु । वनं गोदाम छगूहे, छथाय्हे मतसे न्यागू खुगू थासय् न्यागू खुगूहे गोदाम तयाः अनुसन्धानयात गाक्को प्रभावित याना वःगु दु । उगुहे अनुसन्धानकथं नेपालय् दुहां वइगु सामानया ७० प्रतिशतया जक राजस्व पुलाः ३० प्रतिशत सामानया मंसार हे मपुसे निर्वोधरुपं दुहां वयाच्वंगु दु । थुकियात पनेफत धाःसा नं करौडौं ध्यबा बराज यायेफैगु अनुमान यानाहःगु दु । तर व भंसार छलय् याइगु प्रकृया व इमिगु सञ्जालयात धाःसा गुकथं गुलि चुइकेगु धयागु जानकारी संस्थायाके मदु । प्रहरी मार्फत कारवाही न्ह्याकूसां व्यापारीतय्गु संघ संस्था व सञ्जालं हडताल, विरोध, जुलुसय् कुहां वयेवं सरकारयात व याये थ्वयाये मदयाः तामासा जक स्वयाच्वनेत वाध्य जुयाच्वंगु दु । थुकियात याकनं सरकारं समाधान यायेत स्वयेहेमाः ।

More Stories Like this