विश्वकपया नितिं छनौटय् निगूगु चरणय्

येँ (झीगु स्वनिगः)

नेपाः न्हापांखुसि विश्वकप छनौट फुटबल कासाया निगूगु चरणय् थ्यंगु दु । म्हिगः शनिवाः जूगु कासाय् इष्टटिमोरयात ५—० गोलं बुकाः नेपाल समग्रय् ७—१ या जित थःगु ल्हातय् लाका सन् २०१४ या ब्राजिलय् जुइगु विश्वकप एसियाली छनौटया निगूगु चरणय् थ्यंगु खः । न्हापांगु लीगय् नेपाल २—१ गोलं त्याःगु खः । आः नेपाः निगूगु चरणय् साउन महिनाय् जोर्डननाप म्हितेगु याइ । त्रिपुरेश्वरय् म्हिगः जूगु कासाय् कासा सुरु जूगु ३ मिनेटं नेपालयात पेनाल्टी वःगु खः । पेनाल्टीइ अनिलं गोल यानादीगु खः । नेपाःया कासामिपिं जमुनु राई, जगजित श्रेष्ठ, भोला व सुजल श्रेष्ठं गोल यानादीगु खः ।