बजेट स्वयाः जक पलाः कांग्रेस
येँ (झीगु स्वनिगः)
नेपाली कांग्रेसं इनाबिइगु कथंया बजेट अर्थात वितरणमुखी बजेट महयेत सरकारयात इनाप याःगु दु । राष्ट्रिय संकटयात सम्वोधन याइगु कथंया बजेट महःसे इनाबिइगु कथंया बजेट हल धाःसा उकियात स्वीकार मयासे कांग्रेसं विरोध सयायेगु जुइ धकाः धाःगु दु । म्हिगः शनिवाः नेपाली कांग्रेसया संसदीय दलया ज्याकू सिंहदरवारय् ग्वसाःग्वःगु पत्रकार सम्मेलनय् न्वंवायेगु झ्वलय् कांग्रेसया नेतातय्सं उगु कथं धयादीगु खः । उगु पत्रकार सम्मेलनय् कांग्रेसया संसदीय दलया नेता रामचन्द्र पौडेल, रामशरण महत, नरहरी आचार्य नापंया नेताय्सं अथे न्वंवानादीगु खः । सरकारं हइगु नीति तथा कार्यक्रम नापं बजेटयात स्वयाः जक कांग्रेसं समर्थन बाय् विरोध यायेगु जुइ धकाः नं नेतातय्सं धयादिल ।
