अमेरिकी संसदय् नेपाःमिया उम्मेदवारी
अध्ययन सिलशिलाय् नीदँ न्ह्यः अमेरिका झाःम्ह नेपाली मूलया दर्शन रौनियारं अमेरिकी संसद कांग्रेशय् डेमोक्र्याटिक पार्टीपाखें उमेद्वारी ब्यूगु दु । वाशिंटन राज्यया फस्ट कंग्रेसनल डिस्ट्रिकटपाखें प्रतिनिधित्व यायेगु यानाः वय्कलं उम्मेदवारी बियादीगु खः ।
ओरेगन इंस्टिच्यूट अफ टेक्नोलोजीपाखें विजनेस एडमिनिस्ट्रेसन बिषयय् स्मानातकोतर यानादीम्ह रौनियार डेमोक्रेटिक सीमा समिति अधिकारी पदय् विजयी जुयाः ज्या यानादी धुंकूगु दु | हाल स्नोहोमिस काउन्टि मानव अधिकार कमिशन व स्नोहोमिस काउन्टि पार्क सल्लाहाकार समितिया सदस्य समेत जुया च्वनादीम्ह रौनियार थीथी सामाजिक संघ संस्थाय् नं संलग्न जुया च्वनादीगु दु ।
शिक्षित व सक्षम नागरिक विना राष्ट्रया भविष्य सुनिश्चित जुइमखु, जीवन, स्वतन्त्रता व सुख थेन्जयाःगु अमेरिकी स्वतन्त्रताया आधारभूत मान्यतायात लुमंकूसें सिद्धान्त लागू यायेत शिक्षा र स्वास्थ्यय् राज्यया दायित्व न्ह्यथनाः वंगु जुन २७ निसें वय्कलं चुनावी अभियान न्ह्याकादीगु दु ।
वय्कः अमेरिकी कङ्ग्रेसम्यानय् थःगु उम्मेद्वारी बियादीम्ह न्हापांम्ह नेपाःमि खः ।
News Location:
