थौं जावलाख्यलय् भोटो क्यनीगु
नेपाःया दकले ताःहाकःगु जात्रा कथं कयातःगु बुंगः करुणामयया रथजात्रा थौं भोटो क्यना क्वचायेकेत्यंगु दु । सरकारं भोटोजात्राया लसताय् थौं स्वनिगलय् सार्वजनिक बिदा तकं बिइगु निर्णय याःगु दु । गुठी संस्थान यलया कथं थौं सनिलया न्याता इलय् राष्ट्रप्रमुखया हैसियतंं राष्ट्रपति डाक्टर रामवरण यादवया उपस्थितिइ भोटो क्यनी । यलया जाउलाख्यलय् जुइगु भोटो जात्रा ज्याभुवलय् राष्ट्रपति उपराष्ट्रपति प्रधानमन्त्री सभामुख प्रधानसेनापति नापंया पिनिगु ब्वति दइगु धाःगु दु । उगु भुवलय् हनुमानध्वाखा दरवारं वईपं गुरुजुया पल्टनं हर्षबढाइ याइसा नेपाली सेनाया टुकडीं सलामी बिइगु ज्याभुवः दु । भोटोजात्रा क्यनेत यलया म्वाःद्यः कुमारीयात नं स्वकेहइ । वंगु बैशाख शुक्ल चौंथी अथेधयागु बैशाख २४ गते यलया पुल्चोकं सुरु जूगु बुंग करुणामयया रथजात्रा गाःबहाल मंगः लुँहिति चक्रबहील लगनखेल जुया आइतबाः ज्यावलाख्यः थ्यंकेहःगु खः । बुंगः करुणामय नापं चक्वाःद्यः जटाधारी लोकेश्वर मीननाथया नं जात्रा जुइ । थौं भोटो क्यनेधुनेवं बुंगः करुणामययात खटय् तया बुंगय् च्वंगु देगलय् तयेयंकी ।
News Location:
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
