फ्रेञ्च मोडल प्रस्ताव
येँ (सन्ध्या टाइम्स)/संवैधानिक समिति अन्तर्गतया उपसमितिं दयेकूगु कार्यदलं बल्ल थौं थःगु प्रतिवेदन लःल्हाःगु दु। थौं सुथय् च्वंगु उपसमितिया बैठकय् कार्यदलं प्रतिवेदन लःल्हाःगु खः। प्रतिवेदनय् शासकीय स्वरुपय् फ्रेन्च मोडलयात प्रस्ताव यानातःगु दु। उगु कार्यदलयात उपसमितिं न्हूगु संविधान निर्माणया नितिं विवाद जुयाच्वंगु विषय ज्यंकेगु उपाय मालेत छवाःया ई बिउगु खःसा थुकिं निवाः लिपा जक प्रतिवेदन लःल्हाःगु खः ।
उपसमितिया संयोजक माओवादी अध्यक्ष प्रचण्ड जुयाच्वंगु अले थःगु हे पार्टी दुने विवाद तच्वयाच्वंगुलिं वय्कलं बैठक सःते मफयाच्वंगु खःसा उपसमितिं ज्या क्वमचायेकूगुलिं संवैधानिक समितिया तकं बैठक च्वने मफयाच्वंगु खः ।
