'समूहगत प्रवेश संभव मदु'
येँ (सन्ध्या टाइम्स)/अमेरिकाय् वासः याकः वनाच्वंम्ह नेपाली कांग्रेसया सभापति सुशील कोइरालां नेपाली सेनाय् माओवादी लडाकुया समुहगत प्रवेश सम्भव मदु धयादीगु दु। वय्कलं कांग्रेस न्ह्याबलें नं सकारात्मक रुपय् आशावादी दु धासें प्रजातन्त्रया मूल्य व मान्यतायात गबलें नं सुंलिसे नं सम्झौता याइ मखु नं धयादिल ।
अमेरिकाय् नेपाःमितय्गु छगू ज्याझ्वलय् न्ववासें वय्कलं धयादिल 'शान्ति स्थापना कायम यायेत कांग्रेसं प्रमुख भूमिका म्हिती।' अमेरिका नेपाल सोसाईटीया सभापति नगेन्द्र पौडेलया सभापतित्वय् जूगु उगु ज्याझ्वलय् नेपाःमि जनताया चाहाना कथं इलय् हे संविधान च्वयेत धकाः सांकेतिक रुपं ६०१ म्ह सभासद्तय्गु नितिं कलम उपहार बीगु नापं ज्ञापन पौ तकं बियाहःगु खः ।
