नेवाः एफएमया निदँ
नेपालभाषा आकदेमिपाखें सञ्चालित नेवाः एफ.एम. १०६.६ मेगाहर्ज दछि फुनाः निदँय् क्यन। निदँ बुन्हिया लसताय् आकादेमिया चान्सलर सत्यमोहन जोशी अध्यक्षताय् जूगु बःचाधंगु ज्याझ्वलय् पुलांम्ह सभासद् लक्ष्मीदास मानन्धर पाहां कथं झाःगु खः ।
चान्सलर जोशीं नेपालय् रेडियो स्थापना जुसांनिसें नेवाः एफ.एम. तक गुकथं स्थापना जुल धइगु खँ कँसें संघर्ष नं नापनापं संचालन जुयाच्वंगु दु धयादिल। ज्याझ्वलय् येँ मनपाया पुलांम्ह मेयर पीएल सिंह व ज्याझ्वः सञ्चालक राजेन्द्रमान बज्राचार्यपिंसं नं नुगःखँ प्वंकादीगु खः।
ज्याझ्वलय् नेवाः एफ.एम. संचालन यायेत थीथी कथं ग्वाहालि यानादीपिं ग्वाहालिमि, ज्याझ्वः न्ह्याकामि, विज्ञापनदाता व एफ.एम. निर्माण यायेत तक नं माःगु ग्वाहालि यानादीपिं सकसितं लय्ताःपौ लःल्हाःगु खः ।
