जागरण मञ्चया महाधिवेशन जुइगु

येँ (सन्ध्या टाइम्स)/नेवाः जागरण मञ्चं म्म्हिगः थनया फम्पिइ च्वंगु दक्षिणकाली रिसोर्टय् छगू गुँभ्वय्या ग्वसाः ग्वल। मञ्चया संस्थापन कालया दुजःपिं लिसें थीथी कवःया सछिम्हं मल्याक प्रतिनिधिपिनिगु दथुइ उगु गुँभ्वजय् जूगु खः। गुँभ्वय्या दथुइ जागरण मञ्चया उद्देश्य व स्थापनाया कारण व नेवाःतय् नितिं जागरण न्ह्याकेगु विषययात कयाः संयोजक सुजीव वज्राचार्य व सल्लाहकार कृष्णगोपाल श्रेष्ठं जानकारी बियादीगु खः। लिसें उगु गुँभ्वय्या दथुइ नेवाः जागरण मञ्च स्वनेगु ज्या जूगु स्वदँ मल्याये धुकूगु व आतक तदर्थ समितिपाखें संचालन याना वयाच्वनागु खःसा आः थुकियात वैधानिक रुपं न्ह्याकेया निंतिं याकनं हे महाधिवेशन यायेगु नं जानकारी बिउगु खः ।