नेपोलियन थेंज्याःम्ह नेता माःगु दु

डीआर खड्गी

विश्वया इतिहासं क्यनाच्वंगु दु, तानाशाही राजतन्त्रतय्त तःधंगु जनक्रान्तिं वांछ्वयेगु यानाच्वनी। गबलय् जनक्रान्तिं तानाशाह शासकयात सत्तां चीका छ्वइ, क्रान्ति हःपिं नेतातय्सं नं याउँक देश चले यायेत थाकुयाच्वनी। अझ थुलि जक मखु छम्ह तानाशाह अन्त्य जूसां मेम्ह तानाशाह जन्म जुइ अले विदेशया दलाल जुयाः सत्ता चले यानाः जनतायात हानं दुःख बीगु शुरु याइ। युरोपया फ्रान्स नं छगू अज्याःगु देय् खः गन जुजुयात जनक्रान्ति मार्फत सत्तां वांछ्वयेत सफल जुल। क्रान्ति लिपा वःपिं नेतातय्गु महत्वाकांक्षा व व्यक्तिगत स्वार्थया कारणं देशय् अशान्ति व अराजकता ब्वलन। क्रान्ति लिपा नं छगू पार्टीं मेगु पार्टीया नेता व कार्यकर्तायात भौतिक कारबाही व हत्या तकं यायेगु ज्या यात। दँदँ तकं हत्याहिंसाया श्रृंखला मदिसेंलि फ्रान्सया जनता तसकं हे निराश व भयावह अवस्थाय् म्वायेत बाध्य जुल। देशय् अशान्ति, अराजकता व अव्यवस्था चरम रुपं न्ह्याना वनेवं सेना दुने हे नेपोलियनं थः न्ह्यज्यानाः फुक्क पार्टीया नेतातय्त पाय्छि थासय् हयाः देशय् शान्तिपूर्वक शासन यानाच्वनेत सफल जुल। नेपोलियन तानाशाह खःसां नं देशभक्त खः। तानाशाह जुयाच्वंगुलिं नकारात्मक नेतातय्त माईनस यायां देशयात प्रगतिया लँय् यंकाः शक्तिशाली फ्रान्स देयेकेत सफल जुल। फ्रान्सया इतिहासं थ्व नं क्यना बिल, यदि भिंम्ह शासकया ल्हातय् सत्ता लात धाःसा ह्वःताः चूलायेवं हे देशया विकास यानाः क्यनेफु। नेपोलियन देशभक्त तानाशाह जूगुलिं फ्रान्स जक मखु हलिंया जनतां हे वयात लुमंकेगु याः ।

झीगु देशय् नं जंगबहादुरं कोतपर्व यानाः नेता व सेनाया उच्च अधिकारीतय्गु हत्या यानाः श्री ३ पदबी कयाः देशया शासन थःगु ल्हातय् काःगु खः। राणात तानाशाह जुयाः जनतायात दुःख बीगु याःसां देशया सार्वभौमसत्ताय् आँच वइगु ज्या धाःसा याःगु खने मदु। राणा शासकतय् मेगु छगू बांलाःगु पक्ष धइगु नकारात्मक सोच ज्वना वइपिं भारतीयतय्त नेपालय् लसकुस मयाः। उमिसं भारतीय मूलया व्यापारी मारवाडीतय्त नं हाकुबन्जाः याकेगुली प्रोत्साहन मबिउ ।

राणाया इलय् हाकुबन्जाः याइपिंत कारबाही यानाच्वंगुलिं बजाः भाः थकायेगु, नक्कली खाद्य वस्तु बजारय् हयेगु थेंजाःगु ज्या गबलें हे मजू। जब राणा शासन पतन जुल,अबलय् निसें भारतीय मूलया व्यापारीतय्सं हाकुबन्जाः जुयाः नेपाःया सम्पत्ति लुटे याना वयाच्वंगु खनेदु। राणा धुंकाः शाहवंशीय जुजुया ल्हातय् पूरा राज्य शक्ति लात। शाहवंशी जुजु खलकं देश विकास नापनापं जःलाखःला देश चीननाप नं स्वा

More Stories Like this