संगीतकार गणेश प्रसाद मंत

येँ (सन्ध्या टाइम्स)/नेपाल भाषाया न्हापांगु सेलुलाइड फिल्म 'सिलु'या संगीतकार गणेशप्रसाद श्रेष्ठ म्हिगः बहनी मंत। ७६ दँ दुम्ह श्रेष्ठ शिक्षण अस्पतालय् वासः याकुयाकुं मदुगु खः। नुगःचुइ समस्या जुयाः वय्कःयात म्हिगः अस्पतालय् यंकूगु खः। थ्यंमथ्यं निद्वःपु म्येँय् संगीत तयादीधुंकूम्ह वय्कःयात थौं हे सिथं यंकीगु जूगु दु। आपालं संगीत सिरपाः नं त्याकादी धुंकूम्ह वय्कःया कलाः नापं स्वम्ह काय् व स्वम्ह म्ह्याय् दु ।