स्कूलय् बम लुल

येँ (सन्ध्या टाइम्स)/रुकुमया सदरमुकाम लागाया छगू स्कूलय् लगातार स्वंगः बम लुयावःगु दु। सरकारं नेपाःयात माइन जाखिममुक्त घोषणा याःगु छवाः हे मपूनिवं उगु स्कूलय् स्वंगः बम लुयावःगु खः। बम लुया वयेवं इलय् हे प्रहरीयात खबर याःगुलिं छुं अप्रिय घटना धाःसा मजूगु खँ धाःगु दु। रुकुमया त्रिभुवन जनता उच्च मावि लागाय् थौं सुथय् ८१ एमएम नांगु उगु बम लुयावःगु खः। स्कूल लागाय् डोजरं लँ म्हूगु इलय् क्वय् बम लुयावःगु खः। उगु स्कूलय् द्वन्द्वकालय् तत्कालीन शाही नेपाली सेनाया व्यारेक तयातःगु खः। अबलय् सेनां तयातःगु बम हे आः लुयावःगु खयेमाः धकाः अनुमान याःगु दु। लुया वःगु बमयात लिपा निष्त्रिय याःगु खः ।