पत्रकारतय्त दुर्व्यवहार याःपिं निलम्बित
येँ (सन्ध्या टाइम्स)/वंगु वालय् चितवनया आँपटारी लागाय् थीथी संचार माध्यमया पत्रकारतय्त दुर्व्यवहार याःपिं केन्द्रीय बस टर्मिनल भरतपुरनाप स्वापू दुपिं १३ म्ह कर्मचारीयात निलम्बन याःगु दु। इमित पत्रकारतय्त दुर्व्यवहार याःगु द्वपनय् निलम्बन यानागु खँ बसपार्क सञ्चालन समितिया अध्यक्ष कृष्ण श्रेष्ठं कनादीगु दु ।
थौं चितवनया छगू सार्वजनिक ज्याझ्वलय् न्ववासें वय्कलं थ्व कर्मचारीतय्त निलम्बन यानागु व आवंलि उज्वःगु गल्ती मजुइगु खँ कनादिल। भरतपुरया आँपटारीया बसपार्क समितिं संचालन याना वयाच्वंगु ढाटय् ज्या याइपिं कर्मचारीतय्सं वंगु शनिवाः येँया थीथी संचार माध्यमया संचारकर्मीतय्त चौकी हे घेरे यानाः दुर्व्यवहार याःगु खः ।
