भारतं हःगु विष्फोटक सहित छम्ह ज्वन

येँ (सन्ध्या टाइम्स)/भारतं विस्फोटक पदार्थ ज्वनावःम्ह छम्ह मनूयात नेपाःया प्रहरीं ज्वंगु दु। सुनसरी भादगाउँया सिनुवारी लागां वंगु चान्हय् विस्फोटक पदार्थ ज्वनावःम्ह उम्ह मनूयात ज्वंगु खः। प्रहरीं चेकजाँचया झ्वलय् प्रकाशपुर वडा नं. २६ या तिलक कार्कीयात विष्फोटक पदार्थ सहित ज्वंगु खः। कार्कीयाके जिलेटिन लोला न्यागू, इलेक्ट्रोनिक डेटोनेटर तार लगायतया सामान ज्वंगु खँ इलाका प्रहरी कार्यालयं धाःगु दु। ज्वंम्ह कार्कीया बारे प्रहरीं थप अनुसन्धान ज्या यानाच्वंगु दु ।