वान की मुन हाकनं निर्वाचित
अमेरिका (एएफपी)
संयुक्त राष्ट्र संघया मू छ्याञ्जे वान कि मुन निक्वःगु कार्यकालया नितिं नं निर्वाचित जुइत ताःलाःगु दु । संयुक्त राष्ट्र महासभाय् जूगु निर्वाचनय् मेम्ह सु नं उम्मेदवार मदनेवं मुन निर्विरोध निर्वाचित जुयादीगु खः । वंगु शुक्रबाः हे च्वंगु संयुक्त राष्ट्र संघ सुरक्षा परिषद् बैठकं निर्वाचन जुइ स्वयाः न्ह्यः हे मुनया न्यादाया निक्वःगु कार्यकाल अनुमोदन यायेधुंकूगु खः । मुनया निक्वःगु कार्यकाल सन् २०१६ तक्क जुइ । थ्व स्वयाः न्ह्यः वय्कः सन् २००७ सालय् राष्ट्र संघया मू छ्याञ्जे निर्वाचित जुयादीगु खः । तःधंगु लिसे विकसित देय्तप्रति उदार जूगु हे कारण मुनया विजय सम्भव जूगु विश्लेषकतय्सं धाःगु दु । जलवायु परिवर्तन लिसे मध्यपूर्वय् न्ह्यानाच्वंगु विरोध प्रदर्शनया विषयलय् मुनं अख्तियार याःगु नीतिया फुक्कथासं प्रशंसा जूगु खः । मुन निर्वाचित जुइधुंकाः राष्ट्रसंघ महासभा नायः जेसेफ डे एसं वय्कःयात भिंतुना बियादीगु खः । भिंतुना बिइगु झ्वलय् जेसेफं मुनं न्ह्याबलें मानवअधिकारया पक्षय् ज्या याःगु न्ह्यःथंसें खुल्लारुपं प्रशंसा यानादीगु खः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
