विश्वकप फुटबल कासाया नितिं नेपाः छनौटय्

येँ (झीगु स्वनिगः)

थ्वहे वइगु सन् २०१२ सं ब्राजिलय् जुइत्यंगु विश्वकप फुटबल धेंधेंबल्लाः कासाया एशियाली देय्तय्गु छनौट धेंधेंबल्लाः कासा अन्तर्गत न्हापांगु व निक्वःगु लिग कासाया नितिं नेपाःमि कासामिपिंत नं ल्यःगु दु । थ्वहे असारया १५ गते व १८ गते येाया दशरथ रंगशालाय् नेपाः व ईष्ट टिमोर दथुइ जुइगु कासाया नितिं म्हिगः नीन्याम्ह कासामिपिंत ल्यःगु अखिल नेपाल फुटबल संघ एन्फापाखेंं जानकारी ब्यूगु दु ।
उगु छनौटय् कासामिपिं किरण चेम्जोङ्ग, बिराज महर्जन, बिकास सिंह क्षेत्री, अनिल ओझा, योगेश गुरुङ्ग, बिकास मल्ल, बिशाल श्रेष्ठ, सन्दिप राई, दिपक भुसाल, निराजन खड्का ल्यःगु खः ।

अथेहे, शिव श्रेष्ठ, सुजल श्रेष्ठ, सन्तोष साहुखल, बिजय गुरुङ्ग, अनिल गुरुङ्ग, रितेश थापा, रबिन श्रेष्ठ, जुमानु राई, भरत खवास, भोला शिलवाल, सागर थापा, जगजित श्रेष्ठ, दिपक राई, बिशाल राई (बी) व गणेश लावती लगायतपिं कासामिपिं छनौटय् लाःगु खः । छनौटय् लाःपिं कासामिपिन्त वइगु असार ११ गतेनिसें बन्द प्रशिक्षणय् तयाः प्रशिक्षण बिइगु अखिल नेपाल फुटबल संघ एन्फां जानकारी ब्यूगु दु ।

More Stories Like this