सहिद स्मारक 'ए’ डिभिजन लिगया म्हिगःया कासाय् पुलिस व हिमालयन क्लबं त्याकल

येँ (झीगु स्वनिगः)

येँय् न्ह्यानाच्वंगु सहिद स्मारक 'ए' डिभिजन लिग अन्तर्गत म्हिगः जूगु न्हापांगु धेंधेंबल्लाः कासाय् मच्छिन्द्र क्लबयात ४ - ० गोलया अन्तरं कासा त्याकाः नेपाल पुलिस क्लबं मनाङ लिसेया दूरी ४ अंकं अप्वयेकूगु दु । पुलिसयात त्याकेगु नितिं रमेश कटुवाल, प्रदिप बानिया, जुमानु राई व रबिन श्रेष्ठं छगू छगू गोल यायेत ताःलाःगु खः ।

आःतक्क अपराजित जुयाच्वंगु पुलिस क्लबं उगु कासा त्याकाः लिगय् थःगु दाबेदारीयात अझ धिसिलाकेत ताःलाकूगु खः । अथेहे म्हिगः हे जूगु मेगु निगूगु धेंधेंबल्लाः कासाय् हिमालयन शेर्पा क्लबं बि्रगेड ब्वाइजयात न्यागू गोल यायेत ताःलाःगु दु । उगु धेंधेंबल्लाः कासाय् प्रतिद्वन्दी बि्रगेड क्लबं छगू हे गोल यायेमफुगु खः ।

More Stories Like this