सच्छि दँ थ्यंगु लसताय् राष्ट्रिय जनगणना दिवस

येँ (झीगु स्वनिगः)

देशय् जनगणना न्ह्याःगु सच्छि दा थ्यंगु लसताय् बुधवाः राष्ट्रिय जनगणना दिवस हंगु दु । थुगु हे लसताय् सरकारं सार्बजनिक विदा नापं ब्यूगु खः । 'जनगणना दिवस'य् गणकतय्सं धाःसा बिदा मदुगु केन्द्रीय तथ्याङ्क विभागं जानकारी ब्यूगु खः । नेपालय् न्हापांगु खुसिइ विक्रम सम्वत् १९६८ सं जनगणना जूगु खः । उगु इलय् नेपाःया कूल जनसंख्या न्यय्खुगू लख स्वीगुद्वः दुगु खः । जनगणनाया सच्छि दा पूवंगु लसताय् सरकारं जनगणना शताब्दी स्तम्भ नापं निर्माण याःगु दु । केन्द्रीय तथ्याङ्क विभागया प्राङ्गण थापाथलीइ निर्माण याःगु स्तम्भ प्रधानमन्त्री झलनाथ खनालं उलेज्या यानादीगु खः । स्तम्भ उलेज्या यानादिसें खनालं न्ह्यानाच्वंगु जनगणनां वास्तविक तथ्याङ्क पिकाइगु नापं वय्कलं दावी यानादिल ।